Schindler's Ark | |
---|---|
Título orixinal | Schindler's Ark |
Autor/a | Thomas Keneally |
Orixe | Australia |
Lingua | Inglés |
Xénero(s) | Novela biográfica |
Editorial | Hodder and Stoughton |
Data de pub. | 18 de outubro de 1982 |
Formato | Tapas duras e brandas |
Páxinas | 380 |
ISBN | ISBN 0-340-27838-2 |
Precedido por | The Cut-Rate Kingdom |
Seguido por | A Family Madness |
[ editar datos en Wikidata ] |
Schindler's Ark é unha novela de ficción histórica publicada en 1982 polo novelista australiano Thomas Keneally. A edición dos Estados Unidos do libro foi titulada Schindler's List; posteriormente tamén foi reeditado en países da Commonwealth con ese título. A novela gañou o Premio Booker[1] e foi galardoada co Premio Los Angeles Times en 1983.[2]
O libro conta a historia de Oskar Schindler, un membro do Partido Nazi que se converte nun heroe improbable ao salvar a vida de 1.200 xudeus durante o Holocausto. O libro fala de persoas e acontecementos reais, mais con diálogos de ficción e escenas engadidas polo autor onde se descoñecen os detalles exactos.[3] Keneally escribiu unha serie de novelas ben recibidas antes e despois de Schindler's Ark; porén, a raíz da súa exitosa adaptación cinematográfica de 1993 dirixida polo director Steven Spielberg, converteuse dende entón no seu traballo máis coñecido e celebrado.[4]